يوم من نحسي ( مع الاعتذار للفيلم)
الله ما اجمل حلاك...... مين يشبهك يا ودادي ....... من يشبهك يا ملاك ....انت بشر غير عادي ........
اه معلش ماخدتش بالي , انت وصلت ؟ , طبعا بتسال ايه اللي انا بقوله ده , معلش اصلي نقلت نشاطي النحسي للمملكة العربية السعودية ( انتظروا المغامرات الجديدة مع الخليج).
المهم كالعادة النهاردة هحكيلك حكاية نحس جديدة , يوم عادي جدا من حياتي الطبيعية ( اللي ابتديت اتعود عليها على فكرة) , تابع معايا احداث اليوم يمكن تتطلع بدروس مستفادة ........
المكان: طريق مصر اسكندرية الصحراوي.
الابطال: انا , خالد , احمد , كاوتش عربية , نجوم ف م , راجل حافى ما نعرفش اسمه
الزمان: شتاء مصر القارس.
الاحداث:
يوم الخميس , عيد ميلاد ابليس , زي ما واحد صاحبي اتعود يقولي دايما .
طبعا بعد اسبوع حافل من العمل لازم نخرج , كلمت احمد و خالد اصدقاء الكفاح .....
شباب عاملين ايه؟..... تمام........ هنخرج فين انهاردة؟...... عمرو صاحبنا عايزنا نخرج في مصر الجديدة ....طيب هنعمل ايه ؟؟؟... عدي عليا في 6 اكتوبر عشان عربيتي بايزة و نروح سوا .....عينيا يا احمد .
طبعا قمة التفاؤل ( مش بقولك ابتديت اتعود على النحس) , المهم لبست الحتة اللي علي الحبل و نزلت , ركبت عربيتي , شغلت نجوم ف م ( الليلة ...الليلة.... الليلة يا سمرة...) , طلعت الدائري عشان اروح اكتوبر ( مشوار طويل في وسط ليل مافهوش قمر....) .
نزلت على المريوطية , و ماشي منسجم مع الأغاني و فجأة .... ( العنب .....العنب....العنب) كاوتش العربية فرقع ( يا اهلا بالمعارك.....يا بخت مين يشارك ) قلت في بالي عادي ايه المشكلة بتحصل للناس كلها .....نزلت اطلع الاستبن ( انسى حبيبي انسى ....انا لانا جايلك ولا بانداييك) طبعا الكاوتش الاستبن طلع مخروم ( ضاعت خلاص كل الفرص ......) واقف في المريوطية و بقول لنفسي انا هفضل منحوس لحد امتى , و على مرمى البصر لقيت راجل بتاع كاوتش ( الحياة بقى لونها بمبي .... بمبي بمبي ....) .
قفلت العربية و قفلت نجوم ف م و اتجهت لبتاع الكاوتش , الراجل بعت معايا صبي من عنده فك الكاوتش و خده .
- الداخلي مخروم يا باشمهندس.
- مش مشكلة غيره خالص احسن.
- حاضر يا باشمهندس.
غيرت الداخلي و قلت الحياة هتبقى حلوة , كلمت احمد قلتله اني هتاخر شوية , شغلت العربية و شغلت نجوم ف م .
( اصحاب انا و انت ولا......) مشيت بالعربية و طلعت طريق مصر اسكندرية الصحراوي (كمل كلامك اليله ديه معاك انا.......) , و فجأة , نفس الكاوتش فرقع تاني ( يا ليلة يا ليلة يا ليلة.....) , المرة ديه بقى صحراء بجد ما فيش بنى ادم بيعدي في الشارع ( لكن سمائك ممطرة و طريقك مسدود مسدود .....) كلمت احمد قالي فك العجلة ووقف أي نص نقل و انزل الهرم صلحه و ارجع على ما اشوف اخويا فين اخد عربته و اجيلك.
قفلت العربية تاني و طفيت نجوم ف م , فكيت الكاوتش , ووقفت استنى أي عربية لحد لما وصلت عربية نص نقل .
- ممكن تاخدني معاك الهرم يا اسطى ؟
- اتفضل.
( اللي شوفته قبل ما تشوفك عنيا عمر ضايع يحسبوه ازاي عليا ......) ( اصل سواق النص نقل مشغل محطة الاغاني مش نجوم ف م ) , وصلت شارع الهرم و نزلت شايل الكاوتش و بدور على واحد بتاع كاوتش.....
الساعة دلوقتي 10.30 لاقيت واحد على مسافة 2 كم من مكان ما نزلت و رحتله بالكاوتش .
- الخارجي ضرب سلك يا باشمهندس.
- و بعدين؟
- لازم تغير خارجي و داخلى
- طيب غير
- لا ماعنديش خارجي
- و العمل؟
- هعملك جبيرة تخليك تمشي بيها يومين
- ماشي يا عم.
على الراجل ما عمل الجبيرة و احمد جه الساعة 12, روحنا ركبنا العجلة و قلنا طبعا مش هينفع نروح مصر الجديدة تعالى نروح لخالد في المهندسين .
شغلت العربية و شغلت نجوم ف م ( ايه اللي بيحصل ده؟.....ايه اللي انا شايفه ده؟) , يا دوبك مشينا 2 كم كده و هوب .............( نفس المكان اللي كان بيجمعنا سوا.....) , الكاوتش فرقع تاني ................
- تعالى نروح المهندسين نجيب خالد و نشوف حد نشتري منه كاوتش.
- ياللا.
الساعة 1 باليل و بندور على بتاع كاوتش , لاقينا واحد فاتح و جبنا الكاوتش و رجعنا للعربية , ركبنا العجلة الجديدة و كله تمام.
- هتعملوا ايه؟
- هنخرج برده لازم نخرج النهاردة.
ركبت العربية و خدت خالد معايا احتياطي و طبعا , شغلت نجوم ف م ( ان شاء الله ...ان شاء الله ......ترجع ليا ) ماشين في امان الله معداش 2 كم برده و كان احمد ماشي ورانا , لاقيت عربيته بتبعد , لسة هاقول لخالد احمد ماشي براحته لاقيت الموبايل بيتصل و احمد بيتصل .
- خير يا احمد.
- العربية فصلت بنزين
- طب هنروح نجبلك بنزين و راجعين ( أي حاجة تيجي من ريحة الحبايب....... بتطمن قلبي اللي ملهوف علي غايب )
روحنا جبنا البنزين و رجعنا ركنا جنب احمد و نزلنا عشان نملى العربية بنزين , و في وسط ما احنا و اقفين عدى واحد من ضحايا الحياة العصرية , حافي , شعر طويل عمره ما اتغسل في يوم , اسود من كتر عدم الاستحمام , اول ما شافنا قعد يضحك و يضحك و فجاة طلع يجري في الشارع و يشد في شعره .
بصيت انا و خالد لبعض و سؤال واحد بيدور في عقولنا , يا تري الراجل ده عدى صدفة ولا من 20 سنة عربيته عطلت في نفس المكان و ماعرفش يروح من ساعتها ( لو بطلنا نحلم نمووت......)
المهم احمد خط البزين في العربية و برده ما اشتغلتش , و بعدين؟؟؟؟؟؟؟؟؟؟؟؟؟
- ما فيش غير ان احنا نزق العربية لحد أي حتة عمار و نسبها هناك للصبح .
فضلنا نزق العربية 3 كم ( و ماله لو ليلة رحنا بعيد و سبنا كل الناس....), لاقينا كشك مرور من بعيد و افقنا مع الراجل ان احنا نسبها للصبح.
- هنعمل ايه يا شباب؟ ( الساعة 4 الصبح !!!)
- لازم نخرج .
- ياجماعة منروح؟؟
- لا لازم نخرج
ركبنا العربية و رحنا المهندسين قعدنا هناك شوية و بعدين وصلت احمد 6 اكتوبر و رجعت البيت ( حمدالله على السلامة....هلا هلا.....)
بس كدة ده يوم طبيعي من ايام حياتي , لا هوه نحس و لا أي حاجة ( بطل دلع شوية دانا طول اليوم بسمعك كل الاغاني)
ياللا سلام اشوفك بعدين
الله ما اجمل حلاك...... مين يشبهك يا ودادي ....... من يشبهك يا ملاك ....انت بشر غير عادي ........
اه معلش ماخدتش بالي , انت وصلت ؟ , طبعا بتسال ايه اللي انا بقوله ده , معلش اصلي نقلت نشاطي النحسي للمملكة العربية السعودية ( انتظروا المغامرات الجديدة مع الخليج).
المهم كالعادة النهاردة هحكيلك حكاية نحس جديدة , يوم عادي جدا من حياتي الطبيعية ( اللي ابتديت اتعود عليها على فكرة) , تابع معايا احداث اليوم يمكن تتطلع بدروس مستفادة ........
المكان: طريق مصر اسكندرية الصحراوي.
الابطال: انا , خالد , احمد , كاوتش عربية , نجوم ف م , راجل حافى ما نعرفش اسمه
الزمان: شتاء مصر القارس.
الاحداث:
يوم الخميس , عيد ميلاد ابليس , زي ما واحد صاحبي اتعود يقولي دايما .
طبعا بعد اسبوع حافل من العمل لازم نخرج , كلمت احمد و خالد اصدقاء الكفاح .....
شباب عاملين ايه؟..... تمام........ هنخرج فين انهاردة؟...... عمرو صاحبنا عايزنا نخرج في مصر الجديدة ....طيب هنعمل ايه ؟؟؟... عدي عليا في 6 اكتوبر عشان عربيتي بايزة و نروح سوا .....عينيا يا احمد .
طبعا قمة التفاؤل ( مش بقولك ابتديت اتعود على النحس) , المهم لبست الحتة اللي علي الحبل و نزلت , ركبت عربيتي , شغلت نجوم ف م ( الليلة ...الليلة.... الليلة يا سمرة...) , طلعت الدائري عشان اروح اكتوبر ( مشوار طويل في وسط ليل مافهوش قمر....) .
نزلت على المريوطية , و ماشي منسجم مع الأغاني و فجأة .... ( العنب .....العنب....العنب) كاوتش العربية فرقع ( يا اهلا بالمعارك.....يا بخت مين يشارك ) قلت في بالي عادي ايه المشكلة بتحصل للناس كلها .....نزلت اطلع الاستبن ( انسى حبيبي انسى ....انا لانا جايلك ولا بانداييك) طبعا الكاوتش الاستبن طلع مخروم ( ضاعت خلاص كل الفرص ......) واقف في المريوطية و بقول لنفسي انا هفضل منحوس لحد امتى , و على مرمى البصر لقيت راجل بتاع كاوتش ( الحياة بقى لونها بمبي .... بمبي بمبي ....) .
قفلت العربية و قفلت نجوم ف م و اتجهت لبتاع الكاوتش , الراجل بعت معايا صبي من عنده فك الكاوتش و خده .
- الداخلي مخروم يا باشمهندس.
- مش مشكلة غيره خالص احسن.
- حاضر يا باشمهندس.
غيرت الداخلي و قلت الحياة هتبقى حلوة , كلمت احمد قلتله اني هتاخر شوية , شغلت العربية و شغلت نجوم ف م .
( اصحاب انا و انت ولا......) مشيت بالعربية و طلعت طريق مصر اسكندرية الصحراوي (كمل كلامك اليله ديه معاك انا.......) , و فجأة , نفس الكاوتش فرقع تاني ( يا ليلة يا ليلة يا ليلة.....) , المرة ديه بقى صحراء بجد ما فيش بنى ادم بيعدي في الشارع ( لكن سمائك ممطرة و طريقك مسدود مسدود .....) كلمت احمد قالي فك العجلة ووقف أي نص نقل و انزل الهرم صلحه و ارجع على ما اشوف اخويا فين اخد عربته و اجيلك.
قفلت العربية تاني و طفيت نجوم ف م , فكيت الكاوتش , ووقفت استنى أي عربية لحد لما وصلت عربية نص نقل .
- ممكن تاخدني معاك الهرم يا اسطى ؟
- اتفضل.
( اللي شوفته قبل ما تشوفك عنيا عمر ضايع يحسبوه ازاي عليا ......) ( اصل سواق النص نقل مشغل محطة الاغاني مش نجوم ف م ) , وصلت شارع الهرم و نزلت شايل الكاوتش و بدور على واحد بتاع كاوتش.....
الساعة دلوقتي 10.30 لاقيت واحد على مسافة 2 كم من مكان ما نزلت و رحتله بالكاوتش .
- الخارجي ضرب سلك يا باشمهندس.
- و بعدين؟
- لازم تغير خارجي و داخلى
- طيب غير
- لا ماعنديش خارجي
- و العمل؟
- هعملك جبيرة تخليك تمشي بيها يومين
- ماشي يا عم.
على الراجل ما عمل الجبيرة و احمد جه الساعة 12, روحنا ركبنا العجلة و قلنا طبعا مش هينفع نروح مصر الجديدة تعالى نروح لخالد في المهندسين .
شغلت العربية و شغلت نجوم ف م ( ايه اللي بيحصل ده؟.....ايه اللي انا شايفه ده؟) , يا دوبك مشينا 2 كم كده و هوب .............( نفس المكان اللي كان بيجمعنا سوا.....) , الكاوتش فرقع تاني ................
- تعالى نروح المهندسين نجيب خالد و نشوف حد نشتري منه كاوتش.
- ياللا.
الساعة 1 باليل و بندور على بتاع كاوتش , لاقينا واحد فاتح و جبنا الكاوتش و رجعنا للعربية , ركبنا العجلة الجديدة و كله تمام.
- هتعملوا ايه؟
- هنخرج برده لازم نخرج النهاردة.
ركبت العربية و خدت خالد معايا احتياطي و طبعا , شغلت نجوم ف م ( ان شاء الله ...ان شاء الله ......ترجع ليا ) ماشين في امان الله معداش 2 كم برده و كان احمد ماشي ورانا , لاقيت عربيته بتبعد , لسة هاقول لخالد احمد ماشي براحته لاقيت الموبايل بيتصل و احمد بيتصل .
- خير يا احمد.
- العربية فصلت بنزين
- طب هنروح نجبلك بنزين و راجعين ( أي حاجة تيجي من ريحة الحبايب....... بتطمن قلبي اللي ملهوف علي غايب )
روحنا جبنا البنزين و رجعنا ركنا جنب احمد و نزلنا عشان نملى العربية بنزين , و في وسط ما احنا و اقفين عدى واحد من ضحايا الحياة العصرية , حافي , شعر طويل عمره ما اتغسل في يوم , اسود من كتر عدم الاستحمام , اول ما شافنا قعد يضحك و يضحك و فجاة طلع يجري في الشارع و يشد في شعره .
بصيت انا و خالد لبعض و سؤال واحد بيدور في عقولنا , يا تري الراجل ده عدى صدفة ولا من 20 سنة عربيته عطلت في نفس المكان و ماعرفش يروح من ساعتها ( لو بطلنا نحلم نمووت......)
المهم احمد خط البزين في العربية و برده ما اشتغلتش , و بعدين؟؟؟؟؟؟؟؟؟؟؟؟؟
- ما فيش غير ان احنا نزق العربية لحد أي حتة عمار و نسبها هناك للصبح .
فضلنا نزق العربية 3 كم ( و ماله لو ليلة رحنا بعيد و سبنا كل الناس....), لاقينا كشك مرور من بعيد و افقنا مع الراجل ان احنا نسبها للصبح.
- هنعمل ايه يا شباب؟ ( الساعة 4 الصبح !!!)
- لازم نخرج .
- ياجماعة منروح؟؟
- لا لازم نخرج
ركبنا العربية و رحنا المهندسين قعدنا هناك شوية و بعدين وصلت احمد 6 اكتوبر و رجعت البيت ( حمدالله على السلامة....هلا هلا.....)
بس كدة ده يوم طبيعي من ايام حياتي , لا هوه نحس و لا أي حاجة ( بطل دلع شوية دانا طول اليوم بسمعك كل الاغاني)
ياللا سلام اشوفك بعدين